FSHF organizon me sukses ndeshjet e raundit të parë të grupit 4 të UEFA Women’s Champions League

Federata e Futbollit organizoi me sukses mini-turneun e raundit të parë të grupit 4 të UEFA Women’s Champions League, që u zhvillua në ambientet e “Shtëpisë së Futbollit” nga data 30 korrik deri më 2 gusht 2025. Në këtë turne u zhvilluan një ndeshje gjysmëfinale dhe finalja, që u luajt mbrëmjen e kaluar, duke përcaktuar ekipin që kualifikohet për në raundin tjetër të këtij kompeticioni. Sfida finale mes ABB Fomget SK dhe FC Kiryat Gat u mbyll me fitoren e 1-3 të ABB Fomget. FSHF përmbushi me sukses të gjitha detyrimet organizative të përcaktuara nga UEFA për këtë fazë të turneut, duke garantuar standarde të larta në organizim për ekipet pjesëmarrëse.