Edwin Abbott Abbott, shkrimtari që e shndërroi matematikën në një reflektim mbi shoqërinë dhe kufijtë e perceptimit

Edwin Abbott Abbott ishte shkrimtar, teolog, pedagog dhe studiues anglez, i njohur veçanërisht për veprën e tij të jashtëzakonshme “Flatland: A Romance of Many Dimensions”, të botuar më 1884. Përmes një historie që ndërthur matematikën, gjeometrinë, satirën shoqërore dhe filozofinë, Abbott krijoi një prej alegorive më origjinale të letërsisë viktoriane, duke sfiduar mënyrën se si njerëzit e kuptojnë botën dhe kufijtë e asaj që mund të perceptojnë, transmeton KultPlus. I lindur më 20 dhjetor 1838 në Londër, në një periudhë kur Anglia po përjetonte ndryshime të mëdha shkencore, shoqërore dhe kulturore, Abbott zhvilloi një interes të veçantë për arsimin, gjuhën, fenë dhe mendimin kritik. Formimi i tij akademik dhe përvoja si mësimdhënës ndikuan ndjeshëm në mënyrën se si ai i trajtoi çështjet e dijes, autoritetit...