Burrel/ Vijojnë kërkimet për 29-vjeçarin e zhdukur në fabrikën e përpunimit të kromit

Prej më shumë se 48 orësh, në zonën e Qafës së Burrelit vijojnë pa ndërprerje kërkimet për gjetjen e 29-vjeçarit Ardit Beshiri, i cili u zhduk të shtunën teksa punonte me eskavator në një fabrikë përpunimi të kromit. I riu u zuri poshtë një masiv i madh dheu dhe rëre pas çarjes së një rezervuari në objektin industrial. Sipas burimeve nga vendngjarja, në momentin kritik, Beshiri ndodhej në anën e poshtme të terrenit, ku pritet të ketë qenë më i ekspozuar ndaj përmbytjes së menjëhershme nga uji dhe materiali i akumuluar gjatë procesit të përpunimit të kromit. Deri tani, nuk...