Shqetësimet për sigurinë/ Turqia kufizon lëvizjen e anijeve tregtare që udhëtojnë drejt Detit të Zi përmes Bosforit

Turqia po kufizon lëvizjen e anijeve tregtare që udhëtojnë drejt Detit të Zi përmes Bosforit, për shkak të shqetësimeve në rritje për sigurinë pas sulmeve ndaj anijeve në rajon, raportoi Bloomberg. Drejtoria e Përgjithshme e Sigurisë Bregdetare e Turqisë ka informuar disa anije që udhëtojnë drejt Novorossiyskut në Rusi, një qendër e rëndësishme për eksportin e naftës dhe drithërave, se aktualisht nuk po jepen leje tranziti për këto rrugë ose se aplikimet do të kërkojnë më shumë kohë për t’u shqyrtuar. Sipas burimeve, autoritetet turke nuk kanë dhënë një shpjegim për masën. Disa anije janë njoftuar gjithashtu se kufizimi vlen edhe për ato që udhëtojnë drejt porteve ukrainase. Të dhënat e gjurmimit të anijeve të përpiluara nga Bloomberg tregojnë se anijet që udhëtonin drejt porteve...