Mbi 220 viktima që nga shpërthimi i Ebolës në Kongo, OBSH ngre alarmin: Nuk mund të izolojmë të prekurit ndërkohë që bien bomba

Organizata Botërore e Shëndetësisë ka paralajmëruar se konflikti i vazhdueshëm në Republikën Demokratike të Kongos po pengon seriozisht reagimin ndaj shpërthimit të Ebolës në lindje të vendit. Drejtori i Përgjithshëm i OBSH-së, Tedros Adhanom Ghebreyesus, deklaroi se rajoni po përballet me një “përplasje katastrofike mes sëmundjeve dhe konfliktit”, ndërsa shpërthimi i Ebolës në provincën Ituri po përhapet më shpejt sesa ritmi i reagimit humanitar dhe shëndetësor. “Nuk mund të ndërtojmë besim te komuniteti apo të izolojmë të sëmurët ndërkohë që bien bomba”, u shpreh ai në X. Ai pritet të mbërrijë në Republikën Demokratike të Kongos për të drejtuar përshkallëzimin e përpjekjeve për frenimin e virusit. Sipas të dhënave paraprake, që nga shpallja e epidemisë dyshohet se janë regjistruar rreth 220 viktima. Punonjësit humanitarë po...