Arroganca s’ka të sosur/ Policët bashkiakë ‘terror’ gruas që shiste te tregu elektrik, pas dhunës i ‘konfiskojnë’ mallin

Një ngjarje e rëndë ka ndodhur mesditën e kësaj të shtune në kryeqytet, teksa një gua ëshët dhunuar në mes të Tregut Elektrik nga shteti i veshur me uniformë.

Nga pamjet e siguruara nga Syri, tregohet qartë se si në mes të ditës, Policia Bashkiake e Tiranës ushtron terror ndaj gruas.

Kjo e fundit kishte dalë për të fituar bukën e gojës për të dhe familjen e saj, por babëzia dhe dhuna e efektivëve bashkiakë nuke kanë lejuar.

Sikur të ishte ndonjë ‘kamikaze’, një tufë punonjësish të Policisë Bashkiake e kanë rrethuar dhe e kanë dhunuar, madje duke ia shpërndarë mallin që kishte nxjerrë për ta tregtuar.

Edhe pse disa qytetare të shokuara nga sjellja e Policëve bashkiakë kanë ndërhyrë për ta qetësuar gruan e dhunuar nga ata, sërish efektivët nuk janë sprapsur, duke ndërmarrë hapin e radhës, sekuestrimin dhe konfiskimin e mallit për ta çuar në Bashki.

Kjo nuk është hera e parë që Policia Bashkiake dhunon e terrorizon tregtarët ambulantë, të cilët në pamundësi të një pune stabël, janë të detyruar të shesin në rrugë me ato që kanë kultivuar vetë për të siguruar jetesën.