Arrestimi i Roven Zekës, emërohet kreu i përkohshëm i Policisë Rrugore në Tiranë

Shefi i Policisë Rrugore në Tiranë emërohet përkohësisht, Lorenc Shehu. Ai zëvendëson në këtë detyrë Roven Zekën, i cili u arrestua pak ditë më parë për korrupsion me urdhër të SPAK. Mësohet se SPAK dyshon se drejtori Zeka dhe 2 të tjerët kanë marrë para nga një grua, e cila kishte bërë aksident, që prej tyre të mos referohej çështja në prokurori dhe për aksidentin të mos nisnin hetimet. Roven Zeka është emëruar si shef i Policisë Rrugore të Tiranës në dhjetor 2024.