Tirana jashtë sistemit të ri të pranimeve në mjekësi në Itali, 220 vendet kalojnë në programin anglisht

Studentët që do të regjistrohen në semestrin e ri të pranimeve për Fakultetin e Mjekësisë në Itali nuk do të kenë më mundësinë të ndjekin studimet në kampusin e Universitetit “Tor Vergata” në Tiranë. Ministria italiane e Universitetit dhe Kërkimit ka vendosur të përjashtojë 220 vendet e parashikuara në kryeqytetin shqiptar nga procedura e semestrit të hapur, pas polemikave të vitit të kaluar. Vendet e studimit në Tiranë do t’i dedikohen tashmë programit të Mjekësisë në gjuhën angleze. Pranimi në këtë program do të vazhdojë të bëhet përmes testit kombëtar IMAT (International Medical Admissions Test), i zhvilluar tërësisht në anglisht dhe i përdorur për renditjen e kandidatëve në programet “Medicine and Surgery” të universiteteve publike italiane. Ndërkohë, studentët që regjistrohen në semestrin e hapur nuk...