Rama mbledh qeverinë një ditë para takimit me ministra e drejtuesit politikë

pamje nga kryeministria TIRANË-Kryeministri Edi Rama ka mbledhur sot qeverinë. Mbledhja ka nisur prej orës 10:00, ndërsa ende nuk ka një njoftim zyrtar nëse do ketë komunikime me mediat nga ana e ministrave mbi vendimet e marra në këtë takim. Mbledhja vjen një ditë para takimit që është parashikuar të mbahet në selinë e Partisë Socialistenë orën 17:30. Rama pritet të japë udhëzimet për takimet që duhet të nisin drejtuesit politikë në zonat e tyre elektorale. Angazhimet vijnë pas mbledhjeve dy ditore të zhvilluara në Pogradec, ku kreu i qeverisë diskutoi me drejtuesit politikë të qarqeve dhe ministrat e kabinetit dokumentet "Besa" dhe "Prania Besnike" si dhe u prezantua platforma “Pasqyrë Albania”, ku do të grumbullohen dhe ndiqen ankesat e qytetarëve./ZËRI