Zjarri në Vajkal të Bulqizës del jashtë kontrollit, rrezikohen banesat, kërkohet ndërhyrja

Situatë kritike paraqitet në fshatin Vajkal të Bulqizës, ku një zjarr i përmasave të mëdha po përhapet me shpejtësi dhe po rrezikon banesat e zonës. Përballë rrezikut, banorët e Vajkalit, të rritur dhe fëmijë, kanë dalë në terren për të ndihmuar në izolimin e flakëve dhe për të mbrojtur banesat e tyre. Era e fortë po favorizon përhapjen e zjarrit, duke e bërë ndërhyrjen edhe më të vështirë. Flakët po avancojnë dhe situata po bëhet gjithnjë e më shqetësuese për banorët. Banorët e Vajkalit bëjnë apel për ndërhyrje urgjente nga autoritetet, pasi zjarri po del jashtë kontrollit dhe rreziku për banesat dhe zonat përreth është i madh.