Lezhë, makina del nga rruga dhe përfundon përmbys në kanal

Një aksident rrugor është regjistruar mbrëmjen e së shtunës në Lezhë, 2 maj. Ngjarja ka ndodhur rreth orës 22:20, në zonën e “Lalmit të Ri”, ku një automjet ka dalë nga rruga duke përfunduar në kanalin anësor. Sipas informacioneve paraprake, drejtuesi i mjetit, shtetasi T. Gj., rreth 60 vjeç, ka humbur kontrollin e automjetit. Forcat e Shërbimit të Mbrojtjes nga Zjarri dhe ato poliore, kanë bërë të mundur nxjerrjen e shoferit nga automjeti i dëmtuar. I plagosuri është transportuar në spital për ndihmë mjekësore dhe, sipas policisë, ndodhet jashtë rrezikut për jetën. Nga verifikimet e kryera rezulton se në automjet ndodhej vetëm drejtuesi, ndërsa grupi hetimor vijon punën për zbardhjen e plotë të rrethanave të aksidentit.