‘E mora armën dhe shkova ta vrisja’/ Zbardhet dëshmia e Kristjan Sterjos pas vrasjes së Joan Zukos

SYRI ka zbardhur deklarimin e Kristjan Sterjos në polici. Sterjo akuzohet për vrasjen e shokut të tij të fëmijërisë, 21-vjeçarit Joan Zuko. Në deklarimin e tij ky shtetas deklaroi se nuk ka mundësi për një avokat mbrojtës dhe se shpjegimet e tij do t’i japë në prani të avokatit të zgjedhur prej tij, kryesisht z.Robert Hyska. Ai shpjegon se rreth orës së drekës, pa qenë në gjendje të përcaktojë me saktësi orën, ka qenë i vetëm në trotuarin përpara lokaleve që ndodhen përballë kinemasë. Në rrugën përpara vendit ku ndodhej ai ka kaluar një automjet Mercedes-Benz, C-Class, me ngjyrë të zezë. Targën e automjetit nuk e mban mend, por deklaron se e di që automjeti përdoret ose është në pronësi të shtetasit Johan Zuko. Me...