Indi/ Të paktën 14 viktima nga konsumimi i pijeve alkoolike të kontaminuara, dhjetëra të tjerë në rrezik

Një tjetër tragjedi nga pijet alkoolike të falsifikuara ka goditur Indinë veriore, ku të paktën 14 persona kanë humbur jetën dhe gjashtë të tjerë janë shtruar në spital në gjendje kritike. Ngjarja e rëndë ka ndodhur në pesë fshatra pranë qytetit të Amritsarit, në shtetin e Punjabit, kanë bërë të ditur autoritetet të martën. Sipas oficerit të lartë të policisë, Maninder Singh, shtatë persona janë arrestuar nën akuzën se kanë shpërndarë pijet toksike në zonë. Policia ka nisur një operacion të gjerë për të çmontuar rrjetin e shpërndarjes së këtyre produkteve të rrezikshme. Autoritetet lokale kanë dërguar ekipe mjekësore në fshatra për të kontrolluar gjendjen shëndetësore të banorëve që dyshohet se kanë konsumuar pijet e kontaminuara. “Të gjithë ata që shfaqin simptoma po transferohen në...