Shtyrja e seancës për Veliajn në GJKKO/ Avokati: I pandehuri nuk është njohur me dosjen

Ka përfunduar në GJKKO seanca paraprake për kryebashkiakun e Tiranës, Erion Veliaj. Burime mediatike raportojnë se seanca është shtyrë për në datën 12 dhjetor në orën 9:30. Erion Veliaj ndodhet në paraburgim që prej muajit shkurt. Mësohet se avokati i tij, Artan Gjermeni refuzoi të japë parashtrime, duke deklaruar se i pandehuri Veliaj nuk është njohur ende me dosjen. Ndërsa më 3 nëntor, Gjykata Kushtetuese i dha të drejtë Veliajt, duke e lënë atë në detyrë. Kushtetuesja rrëzoi vendimin e qeverisë për shkarkimin dhe shfuqizoi dekretin e Presidentit për shpalljen e zgjedhjeve në Tiranë.