Shkon të blejë ilaçe por pëson infarkt, ndërron jetë në farmaci i moshuari në Pogradec

Një i moshuar rreth 87-88 vjeç ka ndërruar jetë brenda një farmacie në qytetin e Pogradecit, pasi kishte shkuar për të blerë medikamente. “Një person ka ndërruar jetë brenda një farmacie në lagjen nr. 17 të qytetit. Sipas informacioneve paraprake, personi ka shkuar për të marrë ilaçe pasi vuante nga zemra ndërsa dyshohet se ka pësuar infarkt”, njofton policia. Sakaq, nga ana e policisë kanë nisur hetimet për të zbardhur rrethanat e ngjarjes.