Nën ‘petkun’ e dëborës/ Kosovë, shqiptarët dynden drejt Prevallës për të kaluar fundjavën

Kjo e diel ka shënuar një fluks të konsiderueshëm vizitorësh nga qytete të ndryshme të Shqipërisë drejt Prevallës në Kosovë, e cila tashmë është mbuluar nga dëbora. Automjetet me targa shqiptare kanë qenë të shumta përgjatë rrugës Prizren-Prevallë, rreth 20 kilometra aks malor, ku qarkullimi vijon të paraqesë vështirësi për shkak të rrezikut nga rënia e gurëve në trase veçanërisht në segmentin Reçanë-Prevallë. Shkak i këtij fenomeni është lagështia në shpatet përreth rrugës, si pasojë e mjegullës që ka mbizotëruar gjatë orëve të para të mëngjesit, si dhe dëborës së rënë gjatë diteve te fundit. Këto kushte kanë shtuar rrezikun për shkëputje gurësh dhe rrëshqitje materialesh në disa pika të aksit rrugor.Drejtuesit e mjeteve këshillohen të tregojnë kujdes të shtuar, të respektojnë kufijtë e shpejtësisë...