Shefi i OKB-së shpreh ‘shqetësim të thellë’ për raportet e mizorive masive në El-Fasher

Sekretari i përgjithshëm i OKB-së shprehu të enjten "shqetësim të thellë", lidhur me raportet për mizori masive dhe shkelje të rënda të të drejtave të njeriut në El-Fasher të Sudanit, duke shtuar se dhuna po përkeqësohet edhe në rajonin e Kordofanit. Në një postim në kompaninë amerikane të mediave sociale X, Antonio Guterres bëri thirrje për ndërprerjen e menjëhershme të armiqësive, ndërsa luftimet intensifikohen midis Forcave të Armatosura Sudaneze dhe paraushtarakëve të Forcave të Mbështetjes së Shpejtë (RSF). “Rrjedha e armëve dhe luftëtarëve nga palët e jashtme duhet të ndërpritet”, tha ai, duke theksuar se ndihma humanitare duhet të lejohet “të arrijë shpejt tek civilët në nevojë”. Shefi i OKB-së u bëri thirrje të dyja palëve të ndërmarrin “hapa të shpejtë dhe të prekshëm” drejt...