Evazion fiskal me 3.7 milionë euro, Prokuroria e Tiranës çon në gjyq “Buzi Store”

Prokuroria pranë Gjykatës së Shkallës së Parë të Juridiksionit të Përgjithshëm Tiranë ka përfunduar hetimet dhe ka dërguar për gjykim subjektin tregtar “Buzi Store”, i akuzuar për veprën penale “Fshehje e të ardhurave”, kryer në bashkëpunim me ekonomistin e kompanisë. Prokuroria njofton se, nga hetimet e zhvilluara, kompania dyshohet se ka shmangur rreth 3,7 milionë euro të ardhura, duke i fshehur nga autoritetet tatimore. Hetimet janë zhvilluar për disa muaj me metoda speciale, në bashkëpunim me Drejtorinë e Hetimit Tatimor, dhe kanë çuar në zbulimin e një skeme të gjerë evazioni fiskal. Gjatë operacionit hetimor janë ushtruar kontrolle në 8 adresa të lidhura me subjektin “Buzi Store” dhe me shoqërinë e fiskalizimit përkatëse. Gjatë kontrolleve u sekuestruan njësi kompjuterike, telefona celularë, tableta, si dhe vlera...