Rusia godet me dronë infrastrukturën energjetike në Ukrainë, qindra mijëra banorë mbeten pa drita

Një bombardim rus ndaj infrastrukturës energjetike ka lënë qindra mijëra njerëz pa energji elektrike në rajonin e Çernihivit në Ukrainë, ndërsa disa zona kanë mbetur edhe pa furnizim me ujë. Sipas zyrtarëve, riparimet po pengohen nga kërcënimi i vazhdueshëm i sulmeve me dronë. Reuters raporton se sulmi goditi gjithashtu edhe rajonin fqinj të Sumyt në Ukrainën veriore. Rajoni i Çernihivit, i cili para luftës kishte një popullsi prej pak më pak se një milion banorësh, është goditur shpesh nga sulmet ruse me dronë dhe raketa ndaj infrastrukturës energjetike javët e fundit, duke shkaktuar ndërprerje të vazhdueshme të energjisë dhe duke dëmtuar rëndë jetën e përditshme të banorëve. “Ekipet e emergjencës në rajonin e Çernihivit nuk janë në gjendje të fillojnë punën për rivendosjen e furnizimit...