“Pa Mbretër”/ Protestat anti-Trump zgjerohen në SHBA dhe Europë, bashkohen politikanët demokratë: Demokraci, jo diktaturë

Mijëra qytetarë amerikanë kanë mbushur rrugët e qyteteve të mëdha si Nju Jork, Uashington DC, Çikago, Miami dhe Los Anxhelos, në protestat masive të quajtura “Pa Mbretër”, kundër politikave autoritare të Presidentit Donald Trump. Në Times Square të Nju Jorkut, mbi 20 mijë vetë marshuan me pankarta ku shkruhej: “Demokraci, jo Monarki” dhe “Kushtetuta nuk është opsionale”. Sipas Policisë së Nju Jorkut, mbi 100 mijë protestues u mblodhën në pesë lagjet e qytetit pa asnjë incident apo arrestim. Që nga rikthimi në Shtëpinë e Bardhë në janar, Presidenti Trump ka ndërmarrë veprime të diskutueshme, përfshirë shtrirjen e pushtetit presidencial dhe përdorimin e Gardës Kombëtare në qytete të ndryshme, veprime që kanë shkaktuar reagime të ashpra në mbarë vendin. Aktivistë si Beth Zasloff dhe Massimo Mascoli,...