Zgjedhjet e 9 nëntorit/ Kolegji cakton afatet, fushata zgjat 1 javë: Kandidatët afat deri më 24 tetor për regjistrim

Kolegji Zgjedhor ka miratuar sot afatet zgjedhore të propozuara nga Komisioni Qendror Zgjedhor (KQZ) për zgjedhjet e pjesshme lokale që do të zhvillohen në 5 bashkitë, Vlorë, Berat, Tepelenë, Cërrik dhe Mat. Kolegji Zgjedhor vendosi që fushata zgjedhore të fillojë më 1 nëntor, ndërsa partitë politike kanë afat deri ditën e nesërme për tu regjistruar në procesin zgjedhor. Gjithashtu kandidatët duhet të dorëzojnë kërkesën e tyre për regjistrim jo më vonë se data 24 tetor. Theksojmë se Partia Socialiste, Lëvizja për Zhvillimin Kombëtar dhe Shqipëria Bëhet, janë subjektet e para të regjistruara në KQZ për zgjedhjet e 9 nëntorit. Partia Demokratike, edhe pse nuk do të ketë kandidatë dhe nuk do ta ketë emrin në fletën e votimit, mësohet se ka dorëzuar në KQZ emrat/anëtarët...