BE do të propozojë rregulla për qiratë afatshkurtra për të trajtuar “krizën sociale” të strehimit

Plani i parë për strehimin e përballueshëm në BE do të përfshijë të drejtat e qiramarrësve, spekulimet me pasuri të paluajtshme dhe dhënien me qira për turistëtKomisioni Europian do të propozojë rregulla për të trajtuar “problemin e madh” të qirave afatshkurtra përmes platformave si Airbnb dhe Booking.com, në përpjekje për t’u përballur me “krizën sociale” të njerëzve që kanë vështirësi të përballojnë një shtëpi, ka deklaruar Dan Jørgensen, Komisioneri i parë i Bashkimit Europian i ngarkuar posaçërisht me çështjet e strehimit.Në një intervistë për “The Guardian” dhe disa gazeta të tjera europiane, Dan Jørgensen tha se kishte ardhur koha që politikanët në Bruksel ta merrnin seriozisht çështjen e strehimit, përndryshe do t’i linin hapësirë populistëve anti-BE, të cilët, sipas tij, nuk kanë përgjigje për mungesën...