Aksident, makina përplas çiftin që udhëtonte me motor dhe një këmbësore

Një automjet tip Benz ka përplasur një motor dhe një këmbësore, duke lënë të plagosur dy persona. Ngjarja ka ndodhur këtë të enjte në zonën e Laprakës në Tiranë. Sipas të dhënave paraprake, në momentin e aksidentit në motor po udhëtonin një çift, burrë dhe grua, të cilët kanë pësuar dëmtime dhe janë dërguar menjëherë në spital për ndihmë mjekësore. Përplasja përfshiu gjithashtu edhe një këmbësore, e cila ka marrë dëmtime të lehta. Policia ka nisur hetimet për të sqaruar shkaqet dhe rrethanat e aksidentit.