“Pse je gjithmonë kaq negativ?”. Biseda telefonike mes Trump dhe Netanyahu pas miratimit të planit nga Hamasi

Bota E Diel, 5 Tetor 2025 17:42 Presidenti amerikan Donald Trump dhe kryeministri izraelit Benjamin Netanyahu patën një bisedë telefonike të ngarkuar emocionale pas miratimit me kusht të planit amerikan të paqes nga Hamasi. Trump, i entuziazmuar nga ky zhvillim, e kontaktoi Netanyahun për t’i përcjellë këtë lajm, por përgjigja e udhëheqësit izraelit ishte e ftohtë dhe skeptike.  Sipas raportimeve të Axios, Netanyahu i tha Trump-it se “nuk kishte asgjë për të festuar” dhe se kjo nuk do të ndryshonte shumë rreth situatës. Reagimi i presidentit amerikan ishte i drejtpërdrejtë dhe energjik: “Nuk e kuptoj pse je gjithmonë kaq negativ. Kjo është një fitore. Merre me vete,” -citohet të ketë thënë Trump, duke shprehur padurimin dhe dëshirën për të parë përparim.