OPINION – Mesazhet e (pa)dukshme të vetëkandidimit të mbështetur nga PD për bashkinë e Tiranës

Partia Demokratike nuk ka numrat për të fituar bashkinë e Tiranës. Zgjedhjet e 11 maj 2025, janë treguesi më i fundit i supremacisë së PS- së në kryeqytetin e Shqipërisë. Alibitë, hamendësimet, justifikimet apo arsyet e këtij pozicioni të partisë më të madhe të opozitës, nuk kanë shumë vlerë. Nga njëra palë e zgjedhjeve tek tjetra, nga 2013 e deri më sot, pavarësisht rezervave, kontestimeve, ankimimeve, ato pranohen nga të gjitha palët, qoftë në nivel qeverisje vendore, ashtu edhe qendrore. Me këtë situatë, PD ka deklaruar se nuk do të kandidojë asnjë emër politik nga radhët e saj, në pritje të shpalljes së vetëkandidimit nga një person jo politik. Ndërsa janë lakuar disa emra që po diskutohen, është vetëofruar aktori i njohur i humorit, Florian...