SPAK dhe Policia e Shtetit, aksion në Durrës, kontrolle edhe në banesën e “Rrumit”

SPAK dhe Policia e Shtetit ka zbarkuar në Durrës, ku ka ndërmarrë një aksion. Sipas News 24, policia është ndalur dhe në banesën e Aleksandër Lahos, i njohur me emrin “Rrumi” i Shijakut. Aksioni është në vijimësi dhe bëhet me dije se është vënë në pranga vëllai i Aleksandër Lahos. “Rrumi” është një personazh i njohur për drejtësinë dhe i shpallur në kërkim nga policia për pengmarrjen e vëllezërve Beqiraj dhe tjetërsimin e pronave në bregdetin e Gjirit të Lalzit. Ai u plagos dhe në atentatin ku mbeti i plagosur dhe deputeti i Durrësit, atëherë prokuror, Arian Ndoja.