Me tren nga Durrësi në Pogradec, ja çfarë ka planifikuar qeveria

Qeveria synon që brenda 4-vjeçarit të përfundojë korridorin VIII hekurudhor, një linjë nga Durrësi, në Pogradec. Ambicia është shprehur në programin qeverisës 2025 – 2029, ku ndër të tjera thuhet se do të garantohet ndërlidhja rajonale me projektet Durrës–Rrogozhinë dhe Rrogozhinë–Pogradec, 2 segmentet e këtij korridori. Duke përfshirë dhe hekurudhën Vorë – Hani i Hotit, që do të lidhë Shqipërinë me Malin e Zi, paketa e investimeve të parashikuar për projekte ndërkufitare shkon në mbi 800 mln euro, nga të cilat mbi 400 mln euro kërkohen pikërisht për linjën Durrës – Pogradec. Aktualisht është avancuar me gjetjen e financimit prej 120.5 mln euro, për segmentin Durrës – Rrogozhinë. Më konkretisht për këtë lot, që ka një gjatësi prej 33.5 km, pak javë më parë Këshilli...