Operacion antidrogë, asgjësohen në Shkodër mbi 9 mijë bimë kanabisi

Policia ka zhvilluar disa operacione antikanabis në malësitë e Shkodrës, ku janë asgjësuar 9 mije e 317 bimë narkotike kanabis sativa. Aksioni ka vijuar me vëzhgime nga ajri, me helikopterë dhe dronë. Në njësitë administrative Shosh e Pult u gjetën dhe u asgjësuan 4 mije e 403 bimë kanabisi dhe kryeplaku i fshatit Ndreaj u vu në hetim për shpërdorim detyre. Ndërsa në territorin e njësive administrative Kastrat e Qendër u gjetën dhe asgjësuan mbi 300 bimë të dyshuara kanabisi. Bimët e tjera u asgjësuan në njësitë administrative Shllak e Temal, e në Fierzë. Gjatë operacionit u shpall në kërkim një 52-vjeçar pasi dyshohet se kishte kultivuar bimë narkotike në banesën e tij, në fshatin Kamicë.