Në fshatin në Poloni të goditur nga rusët: “Më e keqja ende nuk ka ardhur, Putini do t’i marrë të gjitha”

WYRYKI (Polonia Lindore) – Duke mbërritur përballë banesës së goditur nga droni rus të mërkurën në mëngjes, pas një udhëtimi 12-orësh direkt nga Ukraina e rrënuar prej mbi tre vitesh e gjysmë bombardimesh, reagimi i parë është një frymëmarrje e thellë, pothuajse një lehtësim. “Ka kaq pak?”, mendon me vete. “Gjithë kjo zhurmë për një shtëpi fshati të mbetur pa çati, pa viktima e të plagosur?”. Pasditen e djeshme, mbetjet e çatisë së shkatërruar dhe rrënojat në oborr ndriçoheshin nga prozhektorët e televizioneve polake dhe ndërkombëtare, që përpiqeshin të intervistonin banorët e paktë të atij fshati të vogël (vetëm 68 gjithsej). Pronarët, një çift të moshuarish të dalë në pension, ndodheshin në spital për kontrolle. “Janë të tronditur nga emocionet dhe dhimbja”, tha një fqinj....