KQZ certifikon listën e votuesve për zgjedhjet lokale të 12 tetorit në Kosovë, mbi 2 milionë persona me të drejtë vote

Komisioni Qendror i Zgjedhjeve (KQZ) në Kosovë ka certifikuar të shtunën listën e votuesve për zgjedhjet lokale të 12 tetorit. Të drejtën e votës për t’i zgjedhur kryetarët e 38 komunave do ta kenë 2 milionë e 69 mijë e 98 votues. Prej tyre, 43 mijë e 993 janë votues prej jashtë shtetit. Votuesit jashtë shtetit do të mund të votojnë me postë prej 17 shtatorit. Zyrtarë të KQZ-së kanë bërë të ditur se procesi zgjedhor do të organizohet në 938 qendra votimi me 2.625 vendvotime. Përfaqësuesja e Listës Serbe, Gordana Llaban, ka votuar kundër certifikimit të listës, për shkak të atyre që i ka konsideruar ndryshime në listat votuese, mirëpo zyrtarë tjerë i kanë thënë se bazuar në Ligjin e ri për zgjedhjet e...