Vrau ish-kreun e Parlamentit ukrainas, publikohen pamjet e arrestimit të ekzekutorit

Presidenti i Ukrainës Volodymyr Zelensky njoftoi në orët e para të mëngjesit të së hënës se ishte arrestuar një i dyshuar për vrasjen e ish-kryetarit të parlamentit Andriy Parubiy, i cili u ekzekutua më 30 gusht në Lviv. “I dyshuari ka dhënë dëshminë e tij fillestare. Po kryhen veprime urgjente hetimore për të përcaktuar të gjitha rrethanat e kësaj vrasjeje”, tha Zelensky, duke falënderuar policinë dhe Shërbimin e Sigurisë së Ukrainës për veprimin e tyre të shpejtë. Ivan Vyhivskyi, kreu i policisë së Ukrainës, theksoi se krimi nuk ishte aksidental dhe se “ka gjurmë ruse” në të. Sipas Ministrit të Brendshëm Ihor Klimenko, vrasësi u arrestua në rajonin Khmelnytskyi pasi u përpoq të fshihte gjurmët duke ndërruar rrobat dhe duke hedhur armën. Parubiy u qëllua...