Parakalime të rrezikshme në rrugë, ndëshkohen tre drejtues automjetesh në Lezhë

Policia Rrugore e Lezhës ka reaguar menjëherë pas publikimit në rrjete sociale të tri videove ku shfaqeshin automjete që kryenin parakalime të rrezikshme në segmentet rrugore Milot-Lezhë dhe Balldren-Lezhë. Policia e Shtetit bën të ditur se, shërbimet policore kanë identifikuar drejtuesit e mjeteve dhe kanë marrë masat përkatëse administrative. Sipas Policisë, secili drejtues u ndëshkua me gjobë prej 12 000 lekësh. Njërit prej tyre iu zbritën 10 pikë nga leja e drejtimit. Njoftimi i policisë: Pas publikimit të tre videove në rrjete sociale, ku shfaqeshin automjete që kryenin parakalime të rrezikshme në segmentet rrugore “Milot-Lezhë” dhe “Balldre-Lezhë”, shërbimet e Policisë Rrugore të Lezhës, kanë kryer menjëherë veprimet për identifikimin e drejtuesve të tyre. Në zbatim të neneve 141 dhe 127 të Kodit Rrugor, secili drejtues u...