Washington Post: Plani i Trump për ta transformuar Gazën në një qendër industriale nën administratën amerikane! Parashikohet zhvendosja e palestinezëve

Një plan për të ardhem e Gazës pas luftës po qarkullon në administratën e Presidentit të SHBA-së, Donald Trump. Plani parashikon administrimin e enklavës palestineze të shkatërruar nga lufta nga SHBA për të paktën një dekadë, zhvendosjen e përkohshme të popullsisë së Gazës dhe rindërtimin e enklavës bregdetare palestineze e shndërrimin e saj në një vendpushim turistik dhe qendër industriale, raportoi sot Washington Post. Sipas Washington Post, popullsia e Rripit të Gazës prej 2 milionë banorësh do të largohej vullnetarisht në një vend tjetër ose në zona me akses të kufizuar brenda enklavës palestineze gjatë rindërtimit. Reuters ka raportuar më parë se ekziston një propozim për të ndërtuar kampe në shkallë të gjerë të quajtura “zona humanitare tranziti” brenda dhe ndoshta jashtë Rripit të Gazës për të strehuar popullsinë palestineze. Stimuj financiarë për ata që largohen...