Ushtria e Izraelit tha të dielën se ka sulmuar infrastrukturën ushtarake të Hezbollahut në jug të Libanit

Tym i dendur ngrihet në qarkun e Nabatiehut, pas sulmeve izraelite, në jug të Libanit, 31 gusht. Ushtria e Izraelit tha të dielën se i ka sulmuar infrastrukturën ushtarake të Hezbollahut në jug të Libanit, në vazhdën e sulmeve ndaj objektivave në vendin fqinj, megjithëse kanë kaluar më shumë se nëntë muaj që nga arritja e një armëpushimi me grupin e mbështetur nga Irani. Sulmet e së dielës kishin në shënjestër gjithashtu pozicione nëntokësore pranë Kështjellës së Beaufortit, një fortesë kryqëzate e njohur në vend si Qal’at al-Shaqif, në juglindje të Arnounit, pasi Izraeli zbuloi “aktivitet ushtarak” në zonë, tha ushtria izraelite në një komunikatë. “Ekzistenca e objektit dhe aktiviteti brenda tij përbëjnë shkelje të marrëveshjeve mes Izraelit dhe Libanit”, tha ushtria duke justifikuar sulmet....