Moti i keq, ndërpritet energjia elektrike në Durrës

foto nga Durrësi DURRËS- Moti i keq ka sjelle probleme dhe në qytetin e Durrësit, ku ka pasur dëmtimë të linjës së energjisë elektrike, përmbytje dhe trafik. Si pasojë e stuhisë dhe erës së fortë kanë mbetur pa energji elektrike, zona e Xhafzotajt, Gjit të Lalzit, Hamallajt dhe Manzës. Gjithashtu shumë pushues janë detyruar të largohen nga zonat e plazheve. Edhe në qytetet e tjera të vendin janë raportuar probleme në energjinë elektrike dhe në rrugët e qyteteve. Në Tiranë ka pasur edhe njerëz të lënduar, ku raportohet se 20 persona janë paraqitur për ndihmë mjekësorë te spitali i Traumës, ku 10 prej tyre po marrin trajtimin mjeksor të veçantë./ZËRI