Alarm në Durrës nga moti i keq, Sako apel qytetarëve: Qëndroni në shtëpi!

Durrësi është përfshirë nga reshje të dendura shiu dhe erëra të forta. Kryetarja e bashkisë Durrës, Emirjana Sako u bëri sot, 30 gusht, thirrje qytetarëve që të shmangin lëvizjet e panevojshme në këmbë apo me makinë dhe të qëndrojnë në shtëpi, për shkak të këtij moti që mund të shkaktojë probleme të ndryshme. Sako siguroi se bashkia e Durrësit është në gatishmëri dhe të gjithë punonjësit e ndërmarrjeve, të emergjencave dhe policisë bashkiake janë në terren dhe në gatishmëri maksimale për çdo problematikë. Për t’u ardhur në ndihmë qytetarëve, Sako publikoi numrat e telefonit të autoriteteve vendore, ndërmarrjeve komunale apo të ujësjellës kanalizimeve por edhe emergjencave civile ku qytetarët mund të telefonojnë për çdo problematikë që mund të kenë. Më poshtë janë numrat e telefonit:...