Denoncimi i PL: Lagje të Tiranës përballen vazhdimisht me mungesë uji

Partia e Lirisë ngriti sot shqetësimin e furnizimit me ujë në Tiranë. Anëtari i Këshillit Bashkiak në Tiranë, Artan Distafa nëpërmjet një deklarate për mediet tha sot se tri lagje të kryeqytetit, Sauk, Mjull Bathore dhe Selita, përballen vazhdimisht me mungesë uji. “Banorët e tyre janë të detyruar të përdorin depozita personale ose të presin furnizim me autobote, një gjendje e papranueshme për një kryeqytet europian që pretendon të ketë standarde minimale infrastrukturore”, u shpreh Distafa. Distafa kërkoi që të ndërmerren masa konkrete në mënyrë imediate në shërbim të qytetarëve dhe lehtësim të jetës së tyre për furnizimin e pandërprerë me ujë për të gjitha lagjet e Tiranës. “Rivlerësim të tarifave dhe investimeve në sektorin e ujit, për të garantuar që qytetarët të marrin shërbim...