VIDEO/ Pushues që vrapojnë e çadrat në ajër – Stuhia krijon kaos në Vlorë, shihni pamjet nga qyteti bregdetar

Vlora është përfshirë gjatë ditës së sotme nga erëra shumë të forta që kanë sjellë një stuhi rëre, duke mbuluar qytetin bregdetar. Pamjet tregojnë rrugë të mbushura me pluhur dhe dukshmëri të ulët, ndërsa era e fortë ka krijuar vështirësi të mëdha për qytetarët dhe ka përkeqësuar trafikun. Situata është shoqëruar edhe me trafik të rënduar, pasi shumë pushues kanë zgjedhur të largohen me shpejtësi nga qyteti, duke bllokuar akset hyrëse dhe dalëse të Vlorës. Kjo ka sjellë edhe vështirësi për transportin dhe ka përkeqësuar lëvizjen e automjeteve. Autoritetet lokale u bëjnë apel drejtuesve të mjeteve që të tregojnë kujdes të shtuar në qarkullim dhe t’i respektojnë kufizimet e shpejtësisë, ndërsa qytetarët këshillohen të shmangin lëvizjet e panevojshme deri në përmirësimin e kushteve atmosferike.