Kosova në pritje të formimit të Qeverisë, Osmani: Vonesa po i kushton shtrenjtë qytetarëve

Presidentja e Kosovës, Vjosa Osmani, ka përsëritur këtë të premte thirrjen për konstituimin sa më të shpejtë të Kuvendit dhe zgjedhjen e Qeverisë. Ajo theksoi se çdo ditë vonesë është një ditë e humbur për Kosovën, qytetarët e saj dhe rrugën euroatlantike të vendit. Osmani shtoi se zgjidhja duhet të gjendet sa më shpejt, duke qenë gjithmonë në përputhje me Kushtetutën e Republikës së Kosovës. “Që Kuvendi të konstituohet urgjentisht, që Qeveria të zgjidhet urgjentisht, çdo ditë e humbur është e humbur për Kosovën, për popullin e saj, për perspektivën tonë euroatlantike, kështu që shpresoj të gjendet një zgjidhje në përputhje me Kushtetutën sa më parë të jetë e mundur”, u shpreh presidentja Osmani.