I gatshëm për njohjen e shtetit palestinez, kryeministri australian “sulmohet” nga Netanyahu: Politikan i dobët që tradhtoi Izraelin

Kryeministri australian Anthony Albanese ka minimizuar komentet e ashpra të homologut të tij izraelit, Benjamin Netanyahu, i cili e quajti Albanesen “politikan të dobët” pas vendimit të Australisë për të njohur kushtimisht një shtet palestinez. Në një konferencë për media të mërkurën, kryeministri australian, tha se gjithmonë angazhohet me udhëheqësit e tjerë në mënyrë diplomatike dhe se deklaratat e Netanyahut nuk janë personale. “Ai ka bërë gjëra të ngjashme edhe për liderë të tjerë,” shtoi ai. Australia ka vendosur të njohë një shtet palestinez në Asamblenë e Përgjithshme të OKB-së në shtator, një vendim që ka tensionuar marrëdhëniet mes dy vendeve. Ministri australian për Punët e Brendshme, Tony Burke, tha se fuqia nuk matet nga numri i të vrarëve apo i të uriturve, por nga...