Në prag të takimit të Putin me Trump, Rusia nuk i ndal sulmet vdekjeprurëse mbi Ukrainë

Një sulm me raketa ruse vrau një civil në periferi të qytetit Dnipro në Ukrainën qendrore, thanë zyrtarët lokalë, ndërsa Moska vazhdon sulmet e saj ndaj Ukrainës vetëm disa orë përpara bisedimeve diplomatike në Alaskë. Një person u plagos gjithashtu në sulmin e ditës, i cili dëmtoi një kamion dhe një minibus, sipas kreut të administratës ushtarake rajonale, Serhiy Lysak. Një tjetër sulm sot goditi “infrastrukturën civile” në rajonin e Sumy-t në kufi me Rusinë, sipas Oleh Hryhorov, kreut të administratës ushtarake rajonale të Sumy-t. Dhe dy oficerë policie ukrainas u vranë në Svyatohirsk në rajonin lindor të Donetskut, pasi automjeti i tyre u qëllua nga rusët, tha policia. Top Channel