Obeziteti mund të transmetohet nga prindërit te fëmijët. Por, a kanë më shumë rëndësi gjenet e nënës apo të babait?

Një studim i ri ka zbuluar se gjenet e nënës mund të kenë një ndikim të rëndësishëm në shëndetin e fëmijëve të saj, përfshirë peshën trupore, edhe nëse ato nuk transmetohen drejtpërdrejt. Ky efekt i tërthortë, i njohur si “ushqim gjenetik”, ndihmon në formësimin e mënyrës se si rriten fëmijët – që nga zhvillimi në mitër deri te zakonet prindërore pas lindjes. Hulumtimi, i botuar në revistën shkencore PLOS Genetics, tregon se ndërsa fëmijët trashëgojnë gjysmën e ADN-së nga secili prind, gjenetika e nënës luan një rol më të madh në përcaktimin e indeksit të masës trupore (BMI) të fëmijës. “Gjenetika e nënës duket se ndikon në peshën e fëmijës, përtej asaj që trashëgohet drejtpërdrejt,” u shpreh Liam Wright, autor i studimit dhe studiues në...