Temperaturat e larta, FIFA po shqyrton që tani oraret e ndeshjeve të Botërorit 2026

Adriatik BALLA Kampionati i ardhshëm Botëror do të luhet në Amerikën e Veriut, konkretisht në SHBA, Meksikë dhe Kanada. Por klima, respektivisht ngrohja globale, po bëhet problem edhe për aktivitetet e mëdha sportive. FIFA është vënë në qendër të kritikave pas thirrjeve për ndryshimin e orareve të fillimit të ndeshjeve në Kampionatin Botëror 2026, për shkak të rrezikut të lartë nga temperaturat ekstreme që pritet të prekin disa qytete pritëse në Amerikën e Veriut. Sipas “FifPro”, sindikata globale e futbollistëve që përfaqëson mbi 70,000 lojtarë profesionistë, ndeshjet që do të zhvillohen në mesditë dhe pasdite në qytete si Miami, Monterrey dhe Kansas City duhen shtyrë në orare të vona, për të mbrojtur shëndetin e sportistëve. Qytete të tjera si Bostoni, Filadelfia dhe Guadalajara janë klasifikuar...