Me rregullat e reja për duhanin, Greqia dëshiron t’i ndalojë prindërit të dërgojnë fëmijët për të blerë cigare

Greqia ka njoftuar një projektligj të ri që shtrëngon ndjeshëm rregullat për shitjen e produkteve të duhanit dhe alkoolit tek të miturit, në një përpjekje për të mbrojtur të rinjtë nga këto produkte të dëmshme. Ministri i Shëndetësisë, Adonis Georgiades, deklaroi se ligji do të parashikojë ndëshkime penale për këdo që shkel ndalimin e shitjes së duhanit te fëmijët, madje edhe për prindërit që i dërgojnë fëmijët të blejnë cigare – një praktikë që ai e quajti të zakonshme në Greqi për dekada. “Po hartojmë një projektligj shumë të rreptë për të mbrojtur të miturit tanë si nga alkooli ashtu edhe nga duhani”, tha Georgiades në një intervistë. Sipas tij, punonjësit e pikave të shitjes do të jenë të detyruar të kërkojnë dokument identifikimi për...