Zjarr në një fabrikë në Kinë, tetë të vdekur

Të paktën tetë persona kanë humbur jetën dhe një tjetër është plagosur si pasojë e një zjarri që përfshiu një fabrikë tekstili në qytetin Foshan, në provincën Guangdong, në jug të Kinës. Sipas agjencisë shtetërore të lajmeve Xinhua, zjarri shpërtheu të dielën rreth orës 15:00 sipas kohës lokale, ose 07:00 GMT. Autoritetet kineze kanë nisur operacionet e shpëtimit, ndërsa deri tani nuk janë bërë të ditura detaje të tjera mbi shkaqet e zjarrit apo rrethanat e viktimave.