Zgjerim alarmant i ofensivës/ Rusia synon rajonin qendror të Ukrainës, Kievi në alarm

Rusia ka pretenduar të dielën se ka hyrë për herë të parë në rajonin qendror të Ukrainës, Dnipropetrovsk, në një zhvillim që mund të përkeqësojë situatën për forcat ukrainase, të cilat tashmë janë të shtrira në disa fronte të luftës. Sipas Ministrisë së Mbrojtjes Ruse, nënnjësitë e Divizionit të 90-të të tankeve kanë arritur në kufirin midis rajoneve të Donetskut dhe Dnipropetrovskut dhe më pas kanë hyrë në territorin e këtij të fundit. Moska e ka pasur në objektiv këtë zonë prej muajsh, duke e parë si një hap të rëndësishëm drejt zgjerimit të kontrollit të saj në Ukrainën lindore...