Zhduket turisti lituanez në Valbonë, policia nis kërkimet

Turisti i zhdukur

VALBONË- Një turist lituanez që po qëndronte në Valbonë është zhdukur prej dy ditësh. Sipas policisë, dyshohet se turisti është nisur në drejtim të Thethit, por prej 6 shtatorit nuk ka asnjë informacion për të.
Ishte pronari i një bujtine në Valbonë që raportoi për zhdukjen e tij, pasi ata humbën kontaktet me të. Autoritetet bëjnë më dije se me ndihmën e ekipeve nga Kosova, po zhvillohen kërkime po në shtegun Valbonë-Theth, po ashtu është kërkuar ndihmë nga ajri për shkak të terrenit të vështirë.
“Jemi njoftuar se një shtetas lituanez, që nga dita e djeshme ka humbur kontaktet me pronarët e një bujtine ku ishte akomoduar, në zonën e Valbonës.
Menjëherë pas marrjes së njoftimit, shërbimet e Policisë të Komisariatit Tropojë, së bashku me ekipin e kërkim shpëtimit malor të Kosovës, kanë organizuar punën dhe nisur kërkimet për lokalizimin dhe gjetjen e tij.
Për shkak të terrenit të vështirë dhe të thepisur është kërkuar ndërhyrja e helikopterit, për një monitorim me efikas, njëkohësisht zona po monitorohet me dronë”, njofton policia. /ZËRI
Burimi