Vodafone “zhduk” shërbimin e klientit, njihuni me TOBI, agjenti virtual që nuk kupton asgjë (VIDEO)

Vodafone

TIRANË- “Nuk e kuptova mirë kërkesën, ma thuaj edhe njëherë me fjalë më të thjeshta”,-kjo është përgjigja që shumë klientë të kompanisë celulare Vodafone marrin në bisedimin e tyre me agjentin virtual TOBI, një robot i cili ka zëvendësuar agjentët e shërbimit të klientit pranë kësaj kompanie.
Dhjetra denoncime nga shqiptarë që hasin në përditshmëri probleme nga më të ndryshmet në Vodafone, duke nisur që nga përfundimi para kohe i ofertës e deri te ata që nuk kanë valë në shërbimin Roaming apo kërkojnë të marrin informacion pranë Shërbimit të Supozuar të Klientit, Vodafone.
ZËRI tentoi ta provonte vetë komunikimin me TOBI-n, për të verifikuar, nëse ky shërbim roboti arrin të kuptojë kërkesën e qytetarit. Siç edhe mund të ndiqni në videon e mëposhtme, TOBI e ka të pamundur të kuptojë një kërkesë bazike si ajo për ndërrimin e numrit. Për disa herë me radhë, roboti e mban në linjë abonentin duke mos i ofruar as informacion e as zgjidhje.

BISEDA ME TOBIN:
ZËRI: Përshëndetje. Dua të bëj numrin me kontratë, mund të më prezantosh disa nga ofertat që keni?
TOBI: Për të mbartur numrin në Vodafone mjafton që personi që ka në pronësi numrin të paraqitet me mjetin e identifikimit në dyqanin më të afërt Vodafone dhe të bëj kërkesë bartjeje. TOBI: Ka diçka tjetër me të cilën mund të të ndihmoj?ZËRI: Po. Dua që këtë numër që kam ta kthej në numër me kontratë. TOBI: Nuk e kuptova mirë kërkesën, ma thuaj edhe njëherë me fjalë më të thjeshta.ZËRI: Numrin që kam aktualisht që është në emrin tim, dua ta kthej në numër me kontratë, mund të më thuash paketat ose ofertat?TOBI: Mund të bësh kërkesë për ndryshim pronësie në çdo dyqan Vodafone… aty do të të udhëzojnë.ZËRI: Nuk më kuptove, nuk dua të bëj kërkesë për ndryshim pronësie. Numrin që kam dua ta kthej me kontratëTOBI: Mund të bësh kërkesë për ndryshim pronësie.
Sigurisht ky nuk është faji i TOBI…
ZËRI tentoi të merrte një përgjigje për këtë problem nga AKEP, si institucioni përgjegjës për kontrollin e parametrave të kompanive celulare në vend. Email-it tonë, ende nuk i ka ardhur një përgjigje. Të njëjtat pyetje, iu dërguan edhe kompanisë Vodafone.
Pyetjeve tona në lidhje me performancën e TOBI-t, apo faktin se ku mund të drejtohen qytetarët kur nuk marrin dot shërbimin e klientit online, ashtu siç do të duhet të ishte, ashtu siç e specifikon edhe objekti i veprimtarisë në Vodafone Albania, kompania nuk iu është përgjigjur.
Vodafone sqaron se Tobi, ofron shërbimin bazë të komunikimit me abonentin, duke garantuar që klienti të mos ketë nevojë të shpjegohet sërish. Gjë që sërish nuk është tërësisht e vërtetë. Nga komunikimi ynë me TOBI, u pa qartë se agjenti virtual nuk arriti dot të kalonte linjën tek një agjent, duke e sorrollatur disa herë qytetarin me të njëjtën përgjigje, kur pyetja ishte tjetër për tjetër nga përgjigja e TOBI.
Vodafone sugjeron që përgjigjet për TOBI të jenë të qarta dhe të shkurtra. Në fakt, këtë mund t’ja shpjegojmë një gjenerate të re. Por Vodafone nuk ka një raport performance, për mënyrën sesi TOBI jep shërbim në varësi të grupmoshave, duke na lënë edhe më të paqartë nga sa ishim më parë.
Por a mund të lejë Vodafone Albania qytetarët në kulmin e sezonit turistik në duartë e një roboti, që nuk i kupton dot kërkesat e tyre? A mund të sorrollaten pensionistë që zgjedhin telefonatën online për të shmangur radhët në dyqane? /ZËRI
Burimi