Trump vijon kritikat ndaj Zelenskyy-t: Mosmirënjohës, mori para nga ne si ‘karmele’

Presidenti Donald Trump

SHBA- Duke vazhduar kritikat e tij nga një takim i nxehtë i Zyrës Ovale muajin e kaluar, Presidenti Donald Trump akuzoi presidentin ukrainas Volodymyr Zelenskyy se merr fonde ndihme nga SHBA “si një fëmijë karamelet” në kohën që SHBA-të ishin nën drejtimin e ish-presidentit Joe Biden.
“Ai mori para nga ky vend, nën drejtimin e Biden, si karamelet që merr një fëmijë. Ishte kaq e lehtë,” tha Trump në një intervistë për Fox News të transmetuar të dielën.
“Unë thjesht nuk mendoj se ai është mirënjohës. Ne i dhamë 350 miliardë dhe ai po flet për faktin se ata kanë luftuar dhe kanë trimëri,” shtoi Trump.
Presidenti amerikan përsëriti se ishte ai që i dha Ukrainës armët antitank Javelin dhe se lufta në Ukrainë nuk do të kishte ndodhur nëse ai do të kishte qenë president në vitin 2022, kur filloi.
Për ndihmën amerikane dhe evropiane për Ukrainën, ai tha: “Gjithçka që ai (Zelenskyy) duhej të bënte është t’i thoshte (Evropës), ju duhet të qëndroni edhe me ne (SHBA) … Ne nuk jemi në rrezik, ata (Evropa) janë … Pra, ata po i paguajnë të gjitha këto para Rusisë, dhe ne jemi atje për 350 miliardë dollarë.”
Javët e fundit, një numër liderësh evropianë, përfshirë nga Britania e Madhe dhe Franca, i kanë thënë Trumpit se shifrat e tij për ndihmën janë të pasakta dhe se Europa kolektivisht dërgoi pak më shumë para në Ukrainë sesa SHBA.
Kur u pyet nëse SHBA po i trajton Ukrainën dhe Izraelin në mënyrë të ngjashme për konfliktet që ata kanë udhëhequr, Trump tha: “Ato janë vende shumë të ndryshme, në rregull, shumë, shumë të ndryshme. Ju po flisni për nivele të ndryshme pushteti.”
Marrëdhëniet e tensionuara të Trump dhe Zelenskyy u përshkallëzuan muajin e kaluar kur Trump akuzoi Zelenskyy-n për zgjatjen e luftës në Ukrainë dhe mungesë mirënjohjeje për ndihmën e SHBA.
Gjatë një takimi të nxehtë të Zyrës Ovale, Trump kritikoi Zelenskyy dhe më vonë pezulloi të gjithë ndihmën ushtarake për Ukrainën, duke i bërë presion Kievit për të negociuar me Rusinë.
Masa shkaktoi një reagim të ashpër nga aleatët evropianë, ndërsa Rusia e mirëpriti vendimin, duke tensionuar më tej marrëdhëniet SHBA-Ukrainë.
Burimi