Sherri nisi në lokal/ 15-vjeçari plagos me thikë 39-vjeçarin, arrestohet i mituri

Foto ilustruese

ROSKOVEC- Një 39-vjeçat është plagosur me thikë në Roskovec nga një i mitur. Plagosja dyshohet se ka ndodhur si pasojë e një konflikti të çastit mes të plagosurit dhe 15-vjeçarit. I plagosur ka mbetur, Gazmir Gjoni, i cili ka qenë i ulur në tavolinë në një lokal me të miturin. 39-vjeçari është dërguar në spital për të marrë ndihmë mjekësore, ndërsa i mituri është arrestuar dhe shoqëruar në Komisariat.
Njoftimi i Policisë:
Plagosi me mjet prerës (thikë) një shtetas, Policia kap dhe shoqëron menjëherë pas ngjarjes, autorin e dyshuar.
Rreth orës 16:30, në Roskovec, dyshohet se pas një konflikti të çastit, për motive të dobëta, 1 shtetas i mitur, 15 vjeç, ka plagosur me mjet prerës (thikë), shtetasin G. Gj., rreth 39 vjeç.
Nga ndërhyrja e menjëhershme e shërbimeve të Policisë, është bërë e mundur kapja dhe shoqërimi në Komisariat, i shtetasit 15-vjeçar, me të cilin po kryhen veprimet e mëtejshme procedurale.
Ndërkaq, i dëmtuari është transportuar në spitalin e Fierit, ku po merr ndihmë mjekësore. Grupi hetimor po punon për sqarimin e plotë të rrethanave të rastit./ZËRI
Burimi